कोरोना संक्रमण रोकथाम तथा उपचार कोषमा निजामती कर्मचारी संगठनको पाँच लाख आर्थिक सहयोग

१७ चैत २०७६, काठमाडौं

नेपाल निजामती कर्मचारी संगठनले कोरोना भाइरस संक्रमण रोकथाम, नियन्त्रण तथा उपचार कोषमा पाँच लाख आर्थिक सहयोग गर्ने निर्णय गरेको छ ।

संगठनले २०७६ चैत्र १४ गते विज्ञप्ति जारी गरी सो कुराको जानकारी गराएको हो । संगठनले सो विज्ञप्ति मार्फत उपचारमा खटिएका चिकित्सक तथा स्वास्थ्यकर्मीहरूलाई आवश्यक पर्ने पीपीईको ब्यवस्था गरेर मात्र कार्यस्थलमा खटाउन माग गरेको छ । त्यसका साथै जनचेतनामूलक कार्यमा लाग्न सरकारले आह्वान गरेमा संगठनका सदस्यहरू तत्पर रहेको पनि जनाएको छ ।

‘सरकारले गरेको लकडाउन मेरो लागि हो’ भन्ने सम्झी जीवनप्रति खेलबाड नगरी पालना गर्न सम्पूर्ण राष्ट्र सेवक कर्मचारी यथा जनसमूदायहरूमा समेत संगठनले हार्दिक अपिल समेत गरेको छ ।

नेपाल निजामती कर्मचारी संगठनद्वारा जारी प्रेस विज्ञप्ती :