१५ चैत्र २०७६, काठमाडौं
कोरोना भाइरस (कोभिड–१९) नियन्त्रण, जोखिम न्यूनीकरण तथा उपचारका विषयमा प्रमुख प्रतिपक्षी कांग्रेसले दिएको सुझाव सरकारले कार्यान्वयन गर्ने भएको छ ।
कोरोना संक्रमण रोकथाम तथा नियन्त्रण उच्चस्तरीय समन्वय समितिका संयोजक उप-प्रधानमन्त्री एवं रक्षामन्त्री ईश्वर पोखरेलले कांग्रेसका प्रतिनिधिसभा प्रमुख सचेतक बालकृष्ण खाँणलाई शनिबार टेलिफोन गरी कांग्रेसले दिएको सुझाव कार्यान्वयन गर्न सरकार लागिरहेको बताएका हुन् ।
कांग्रेसले कोरोना नियन्त्रणका लागि विभिन्न विषय समेटेर शुक्रबार १७ वटा सुझाव उप-प्रधानमन्त्री पोखरेललाई बुझाएको थियो । पोखरेलले कांग्रेसले दिएका सुझाव उपयोगी र सान्दर्भिक रहेकाले सकभर कार्यान्वयन गर्ने बताएको खाँणले बताए ।
|तस्वीरमा नेकपा मुख्यालय। फाइल तस्वीर|
