१५ चैत्र २०७६, काठमाडौं
कोभिड १९ (कोरोना भाइरस)को विश्वव्यापी महामारीसँग संघर्ष गरिरहेको अमेरिकामा त्यहाँका राष्ट्रपति डोनल्ड ट्रम्पले देशको अहिलेसम्मकै ठूलो २० खर्ब डलर बराबरको आर्थिक प्याकेजमा हस्ताक्षर गरेको बीबीसीले जनाएको छ ।
त्यससम्बन्धीको कानून तल्लो सदनले पारित गरेको छ । यसअघि त्यसका व्यवस्थाबारे माथिल्लो सदन (सिनेट) मा छलफल भएको थियो ।
अहिलेसम्मकै सबैभन्दा धेरै ३३ लाख अमेरिकी बेरोजगारका रूपमा बुभबार दर्ता भएका थिए ।
अमेरिकामा विश्वमै सबैभन्दा धेरै एक लाखभन्दा बढी मानिसमा कोरोनाको संक्रमण भएको पुष्टि भइसकेको छ ।
|तस्वीरमा सामाजिक दूरी कायम राख्दै राहत प्याकेजसम्बन्धी कानूनबारे छलफल। श्रोतः एएफपी|
