०४ चैत २०७६, काठमाडौैं
कारोना भाइसरका कारण परिवार घरमै थुनिनुपर्दा लोग्ने स्वास्नीका बीचमा छलफल, बहस हुँदै विवाद भएपछि सम्बन्ध बिच्छेदसम्मको स्थिति हुन्छ भन्दा तपाईलाई आश्चर्य लाग्ला । लामो समयपछि कामबाट छुटकार पाएर लोग्ने स्वास्नी एकसाथ समय बिताउन पाउनु सुखीको कुरा हुनुपर्नेमा यहाँ अनौठो भएको छ ।
चीनको सिचुवान प्रान्तमा एक महिनामा ३०० भन्दा धेरै दम्पतिहरुले पारपाचुकेका लागि निवेदन दिएका छन् । समाचार स्रोतका अनुसार कोरोना भाइरसका कारण धेरै मानिसहरु घरमै बन्द छन् । यसकारण पति पत्नीमा विवादका केसहरु बढिरहेका छन् । यो विवाद सम्वन्ध बिच्छेदको स्थितिसम्म पुगेको छ ।
डाझोउ इलाकाका विवाह दर्ता कार्यालयका मेनेजर लु शिजुनले सयौं दम्पति आफ्नो विवाह तोड्ने बिचारमा रहेको बताउँछन् । अहिलेसम्म धेरै संख्यामा मानिसहरु सम्बन्ध बिच्छेदका लागि निदेवन दिइसकेका छन् । उनले सम्वन्ध बिच्छेद गर्नेहरु प्रायः धेरै समय घरमा बसिरहेका दम्पतीहरु रहेको बताए ।
उता कोरोना भाइरसको सबैभन्दा बढी संक्रमण भएको अर्को देश इटालीको भने समस्या बेग्लै छ । इटालीमा पनि मानिसहरु घरमै कैद छन् । मानिसहरु घरमै रहेका कारण इन्टरनेट प्रयोग ७० प्रतिशतले बढेको छ । मानिसहरु वेभसिरिज हेर्दै र अनलाइन गेम खेल्दै समय बिताइरहेका छन् । टेलिकम कम्पनि इटालियाका अनुसार देशमा इन्टरनेट कनेक्सनको पनि माग बढि नै रहेको छ ।
