२० फागुन २०७६, काठमाडौं
कोरोनाको भाईरसको विश्वव्यापी असरको कारण अत्यावश्यक बाहेक विदेश भ्रमण नगर्न नेपाल सरकारले आम नेपालीहरुलाई अपिल गरिरहेको छ । सरकारी अपिलको अवज्ञा गर्दै सरकार मातहतको निकाय पशुपति क्षेत्र विकास कोषले विधि प्रक्रिया र योग्यता मिचेर १० दिने जम्बो टोलीको भ्रमण तय गरेको छ ।
श्रोतका अनुसार आजसम्म पशुपति क्षेत्र विकास कोषको ईतिहासमा बोर्ड सदस्यले आन्तरिक सम्वाद पत्र लेखेर भ्रमण गर्ने गरेको छैन । कोषका बोर्ड सदस्य भगवती प्रसाद देवले सदस्य सचिवलाई अनुरोध गर्दै १५ दिने भ्रमण अनुमति माग्दै आन्तरिक संवाद पत्र लेखेका छन् जसमा सदस्य सचिव प्रदीप ढकालले तोक लगाए ।
भ्रमण टोलीमा छनोट भएका व्यक्तिहरुको बारेमा समेत प्रश्न उठेको छ । मन्दिर र संस्कृति हेर्ने भन्दै छनोट गरिएका व्यक्तिहरु समेत जिम्मेवारीका हिसाबले फरक ठाउँका पारिएका छन् । सिकाई भ्रमणमा छानिएका मुख्य लेखा अधिकृत आगामी बैशाखमा रिटार्यड हुँदैछन् । उनले सिकेर कोषलाई केही योगदान हुने देखिदैन् ।
भ्रमणमा छानिएका प्राय सबै व्यक्तिहरु पटकौं भ्रमणमा गईसकेका छन् तर एक पटक पनि सिकाई भ्रमणमा नगएकाहरु समेटिएका छैनन् । अझ लजास्पद विषय के छ भने २० औँ वर्षदेखि स्थायी रुपमा कार्यरत कर्मचारीहरुले अवसर पाएका छैनन् । मन्दिरमा कार्यरत अधिकृत ईश्वरमान राजभण्डारी अहिलेसम्म भ्रमणमा जानै पाएका छैनन् भने गुरु योजना अधिकृत भनेर करारमा राखिएकी सदस्य सचिवकी व्यक्तिगत सहयोगी भावना पराजुली समेत भ्रमणमा योग्य भएकी छिन् ।
निवेदन र तोक सम्बन्धि पत्र :
