‘वर्ग संघर्षको कुरा गरेको चित्तै बुझेन, जुत्ता हान्दिएँ’

१८ फागुन २०७६, काठमाडौं

सत्तारुढ नेकपाका कार्यकारी अध्यक्ष पुष्पकमल दाहाल ‘प्रचण्ड’लाई लक्षित गरी जुत्ता प्रहार गर्ने युवक पूर्व-माओवादी कार्यकर्ताका छोरा भएको खुलेको छ।

जुम्लाको सिञ्जा गाउँपालिका २ घोडेंगाका २२ वर्षीय युवक रतन तिरूवाले आइतबार दिउँसो राष्ट्रिय सभा गृहमा भरतमोहन अधिकारीको स्मृति सभालाई सम्बोधन गर्न त्यहाँ पुगेका अध्यक्ष प्रचण्डलाई लक्षित गरी जुत्ता हानेका थिए।
⇒ नेकपा कार्यकारी अध्यक्ष प्रचण्डलाई लक्षित गरी जुत्ता प्रहार [भिडियो सहित]
“प्रचण्ड आउने भएपछि भाषण सुन्न गएको थिएँ। उहाँले वर्ग संघर्षको कुरा गर्न थाल्नुभयो। पहिला उहाँले भन्ने कुरा र अहिलेको उहाँको अवस्था मिलेको छैन।” तिरुवाले प्रहरीसँगको बयानमा भनेका छन् ‘मलाई चित्त बुझेन। अनि जुत्ता हानेको हुँ।’

तिरुवा पछिल्लो समय नेत्रविक्रम चन्द ‘विप्लव’ नेतृत्वको नेकपाको विद्यार्थी संगठनमा आवद्ध थिए।

• जुत्ता हान्दिएँ
• प्रचण्ड
• रतन तिरूवा