१८ फागुन २०७६, एजेन्सी
अफ्रिकाको केन्यामा श्रीमानले अरुसँग अवैध सम्बन्ध राखेको आशंकामा श्रीमतीको यौनाङ्ग सुपर ग्लु टालि गम्भीर घाइते पारेका छन् ।
उद्दारकर्ताहरुका अनुसार उनले उनकी पत्नीलाई बाँधेर उनको यौनाङ्गमा सुपरग्लुले टालिदिएका थिए । र उनी फरार भएका थिए । यद्यपि,आरोपीलाई प्रहरीले पक्राउ गरिसकेका छन् । उनले प्रहरी समक्ष आफ्नो गल्ती स्वीकारेका छन् ।
श्रीमानले आफ्नी श्रीमतीको मोबाइलमा केही म्यासेज र तस्बिरहरु देखेकै आधार मानेर पत्नीको अवैध सम्बन्ध भएको आशंका गरेका थिए । श्रीमानको यस्तो व्यवहारपछि छटपटाएकी ती महिलालाई उनका छिमेकीहरुले उद्दार गरि उनलाई अस्पतालमा भर्ना गरेका थिए । उनको हालत गम्भीर भएको अन्तर्राष्ट्रिय सञ्चार माध्यमले जनाएको छ ।
केन्याको एउटा सानो गाउँमा कितुईमा रहने ति श्रीमान (मुसो) मजदुर हुन् । र उनी कामको सिलसिलामा घरबाट टाढा बस्ने गर्थे । उनका अनुसार उनकी श्रीमतीेले उनी घरमा नभएको समयमा परपुरुषसँग सम्बन्ध राख्ने गरेको उनको दाबी छ ।
पत्नीको गल्तीको प्रमाण:
स्थानीय मिडियाका अनुसार मुसोले आफ्नी पत्नीको दोषको प्रमाण दिएका छन् । उनले चार पुरुषहरुले पत्नीलाई पठाएका म्यासेज र तस्बिर सार्वजनिक गरेका छन् ।
प्रहरीले मुसोमाथि घरेलु हिंसाको आरोप लगाएको छ । उनकी पत्नीको प्रजनन अंगमा गहिरो चोट लागेको छ । उनको उपचार भइरहेको भए पनि उनमा बाँझोपनको समस्या आउन सक्ने डाक्टरहरुले बताएका छन् ।
