१२ फागुन २०७६, पोखरा
फेवातालमा डुंगा पल्टिँदा एक युवक वेपत्ता भएका छन्।
लाइफ ज्याकेट नलगाई तीन युवक डुंगामा सयर गरेका सोमबार मध्यान्ह एकाएक तालमा डुबेका हुन् । २ युवकको शकुसल उद्दार गरिएको छ भने एक युवक वेपत्ता भएको छ ।
डुंगामा पानी भरिएपछि एकाएक पल्टिँदा काठमाडौं महानगरपालिका–१० कपन बस्ने वर्ष २७ को सुविन चालिसे र वर्ष २८ को रुपेश अधिकारीको शकुसल उद्दार गरिएको हो। उनीहरुसँगै डुबेका कपनकै वर्ष २७ का रामशरण लुईटेल (सुमित) वेपत्ता भएका बैदाम चौकीका डिएसपी यादव ढकालले जानकारी दिएका हुन् ।
डुंगा पल्टेको जानकारी पाउनासाथ शसस्त्र प्रहरी गणको रेस्क्यू टिमले उनीहरुको उद्धार गरेको थियो। तालमा डुंगा चलाउँदा लाइफ ज्याकेट अनिवार्य भएपनि युवाहरुले नलगाएको हो , साथै उद्धार भएका युवाहरुको भने अस्पतालमा उपचार भईरहेको ढकालको भनाई छ।
बेपत्ताको खोजि कार्य भईरहेको छ, डुंगा डुबेकोबारे अनुसन्धान पनि भईरहेको ढकाललले बताएका छन् ।
