घुसको नाममा २ हजारसम्म नछोड्ने प्रहरी जवान अख्तियारको फन्दामा

०१ माघ २०७६, काठमाडौं

कारागार सुरक्षा गार्ड कैलाली दरबन्दी भइ हाल महानगरीय ट्राफिक प्रहरी प्रभाग कोटेश्वरमा कार्यरत प्रहरी जवान लोग बहादुर खड्का रु. २ हजार घुससहित पक्राउ परेका छन्।

ड्यूटीमा खटिएको अवस्थामा सेवाग्राहीसँग मोटरसाइकलको कागजात नियन्त्रणमा लिएको र पछि मिलाइदिने भन्दै घुस मागेको सूचनाको आधारमा अख्तियार दुरुपयोग अनुसन्धान आयोग टंगालबाट खटिएको टोलीले उनलाई घुससहित पक्राउ गरेको हो।

उनलाई घुस लिइसकेको अवस्थामा कार्यालय परिसरबाट नियन्त्रणमा लिइएको अख्तियारले जनाएको छ।