०७ पुष २०७६, काठमाडौं
काठमाडौं चाबहिलस्थित पशुपति क्याम्पसमा अध्ययनरत एक छात्राको बसको ठक्करबाट मृत्यु भएको छ।
सोमबार बिहान शुकेधारा चोकमा बाटो काट्ने क्रममा पशुपति क्याम्पसमा अध्ययनरत छात्रा सृष्टि पन्तको बा ४ ख ५९३० नम्बरको गाडीले ठक्कर दिएपछि ओम हस्पिटल पुर्याइएकी उनको मृत्यु भएको हो।
हस्पिटलले उनलाई मृत्यु घोषणा भने गरेको छैन। घटनापछि रिसिएका विद्यार्थीहरुले अन्य गाडीमा आगजानी गरेका थिए। विद्यार्थीहरुले बा ४ ख ७१०१ नम्बरको बस लजाएका थिए भने, बा ३ ख ४४३३ नम्बरको बसका सिसा तोडफोड गरिदिएका थिए।
पन्तलाई ठक्कर दिने गाडी र चालकलाई भने प्रहरीले नियन्त्रणमा लिएको छ। घटनापछि प्रहरी र विद्यार्थीबीच केहीबेर झडप समेत भएको थियो।
झडपका क्रममा केही विद्यार्थी घाइतेसमेत भएका थिए।
