३० मंसिर २०७६, काठमाडौं
प्रधानमन्त्री केपी शर्मा ओलीले कलाकारद्वय केशव भट्टराई र दीपक क्षेत्रीको निधनप्रति दुःख व्यक्त गरेका छन्।
ओलीले सोमबार बिहान समाजिक सञ्जाल ट्विटरमा बितेको दुई दिनमा देशले प्रतिभावान् दुई कलाकार गुमाएको भन्दै दुःख व्यक्त गरेका हुन्। दिवंगत भट्टराई र क्षेत्रीप्रति श्रद्धाञ्जली व्यक्त गर्दे उनले परिवारजनमा गहिरो समवेदना प्रकट गरेका छन्।
बितेका दुई दिनमा हामीले प्रतिभावान् दुई कलाकार, केशव भट्टराई र दीपक क्षत्रीलाई गुमायौं । उहाँहरुको कला सधैं हाम्रो स्मृतिमा रहनेछ । हार्दिक श्रद्धाञ्जलि ! शोकाकुल आफन्त र परिवारजनमा गहिरो समवेदना व्यक्त गर्दछु । pic.twitter.com/OWzdHG54Mt
— K P Sharma Oli (@kpsharmaoli) December 16, 2019
प्रधानमन्त्री ओलीले कलाकारद्वयको कला सधैं स्मृतिमा रहने बताएका छन्। “बितेका दुई दिनमा हामीले प्रतिभावान् दुई कलाकार, केशव भट्टराई र दीपक क्षेत्रीलाई गुमायौं। उहाँहरुको कला सधैं हाम्रो स्मृतिमा रहनेछ। हार्दिक श्रद्धाञ्जली! शोकाकुल आफन्त र परिवारजनमा गहिरो समवेदना व्यक्त गर्दछु।’ उनले भनेका छन्।
फाइल तस्वीर
