बेलायतबाट १२ देश पार गर्दै कम्मरमा ट्रली बाँधेर दौडेर यी महिला नेपाल आउँदै…

२४ मङ्सिर २०७६, काठमाडौं

बेलायतकी ७३ वर्षे वृद्धा रोजी स्वेल पोप कम्मरमा ट्रली बाँधेर बेलायतबाट दौडेरै नेपाल आउँदैछिन् । उनले १२ देश पार गर्दै दौडेरै नेपाल आउँदैछिन् उनी च्यारिटीमार्फत् भूकम्प पीडित परिवारलाई मद्दत गर्न चाहन्छिन् । रोजीका अनुसार उनले सन् २०१८ मा ‘रन रोजी रन’ अभियानअन्तर्गत संसारभरी दौडन सुरु गरेकी थिइन् ।

उनले टर्की हुँदै काठमाडौंको यात्रा गर्न लागेको इन्स्टाग्राममा जानकारी दिएकी छिन् । उनी हरेक दिन २० किलोमिटर दौडन्छिन् । उनी एक ट्रली बाँधेर दौडिन्छिन् जसमा उनलाई आवश्यक पर्ने सामान राखिएका हुन्छन् ।

उनले सन् २००४ मा च्यारिटीका लागि पैसा जुटाउनका लागि संसारभरी दौडिएकी थिइन् । सन् २०१५ मा उनी अमेरिकाभरी दौडिइसकेकी छिन् । उनले १७ फिटको डुङ्गामा यूकेदेखि यूएससम्मको यात्रामा गरेकी थिइन् । उनले आफ्नो दिवंगत श्रीमान् क्लाइवको सम्मानमा न्यूयोर्कबाट सान फ्रान्सिस्कोसम्म दौडिइसकेकी छिन् । क्लाइवको निधन प्रोस्टेट क्यान्सरका कारण भएको थियो । एजेन्सी…