१७ कार्तिक २०७६, काठमाडौं
समाजवादी पार्टीले आगामी १४ मंसीरमा हुने उप निर्वाचनका लागि उम्मेदवारको टुंगो लगाएको छ।
पार्टीले कास्की–२, मा हुने प्रतिनिधिसभा निर्वाचनका लागि धर्मराज गुरुङलाई टिकट दिएको छ। यस्तै बाग्लुङ–२ (ख)मा अशोककुमार विश्वकर्मा र दाङ–३, (ख)मा डिल्लीबहादुर डाँगीलाई टिकट दिएको हो।
सत्तारुढ नेपाल कम्युनिष्ट पार्टी(नेकपा)र प्रतिपक्षी नेपाली कांग्रेसले भने अझै उम्मेदवार टुंगो लगाउन सकेको छैन। कांग्रेसले आजै उम्मेदवार टुंगो लगाउने तयारी गरेको छ भने नेकपाले सोमबार मात्रै टुंगो लगाउने संभावना रहेको छ।
उक्त जानकारी पार्टीका अध्यक्ष बाबुराम भट्टराईको आधिकारिक ट्वीटरबाट लिइएको हो।
समाजवादी पार्टीले आसन्न उपनिर्वाचनमा कास्की-२ प्रतिनिधिसभानिम्ति इन्जिनीयर तथा भूपू ब्रिटिश गोर्खा धर्मराज गुरूंग र प्रदेशसभा निम्ति बाग्लुंग२(ख)मा अशोककुमार बिक र दांग३(ख) मा डिल्लीबहादुर डाँगीलाई उम्मेदवार बानाउने निर्णय गरेको छ!जनतालाई कम्युनिष्ट र कांग्रेसको विकल्प मिल्यो है!
— Baburam Bhattarai (@brb1954) November 3, 2019