२९ असोज २०७६, काठमाडौं
काठमाडौंमा जारी गैरआवासीय नेपाली संघ (एनआरएनए) को नवौं विश्व सम्मेलन तथा महाधिवेशनमा अध्यक्षका प्रत्यासी कुमार पन्तको उम्मेदवारी मनोनयनपछि उनका पक्षमा समर्थकहरु उर्लिएका थिए ।
काठमाडौंका हायातमा भईरहेको मनोनयनपछि आज बेलुका मतदान हुँदैछ । कुल २५६२ मतदाता रहेको यो अधिवेशनमा समावेशी र सर्वपक्षीय सन्तुलन मिलाईएको हुँदा उनको पक्षमा अधिकांश प्रतिनिधि लागेको देखिन्छ ।
मनोनयनपछि समर्थकहरुलाई सम्बोधन गर्दै पन्तले भने, ‘मैले जारी गरेको प्रतिबद्धता पूर्ण रुपमा लागू गर्छु र एनआरएनलाई राजनीतिबाट मुक्त राख्दै सबै प्रवासी नेपालीहरुलाई समेट्ने प्रयास गर्नेछु ।’
