०२ भदौ २०७६, काठमाडौं
जापानमा आयोजना हुने हाकाईदो म्याराथनमा नेपालका होमलाल श्रेष्ठ र राजपुरा पाछिले प्रतिस्पर्धा गर्ने भएका छन ।
जापानको हाकाईदोमा अगष्ट २१ देखि २६ सम्म चल्ने म्याराथनमा होम र राजपुराले फुल म्याराथनतर्फ प्रतिस्पर्धा गर्ने छन । प्रतियोगिताको लागि दुई खेलाडीसहित ४ सदस्सीय नेपाली टिम जापान जानेछन् ।
नेपाली टोलीको प्रशिक्षकमा धनी राम चौधरी र एनओसीका स्टाफ आयुस जोशी जापान जाने छन । नेपाली टिम मंगलबार त्यसतर्फ जाने छन ।
नेपाली टोलीलाई सोमबार नेपाल ओलम्पिक कमिटिका अध्यक्ष जीवन राम श्रेष्ठ, पूर्व खेलकुद मन्त्री दलजित श्रीपाईली, एनओसी सदस्य निलेन्द्र श्रेष्ठ लगायतले विदाई गरे ।
