५० हजार रुपैयाँ घुसहित एक अधिकृत रंगेहात  पक्राउ

२० साउन २०७६, काठमाडौँ

उद्योग, वाणिज्य तथा उपभोक्ता हित संरक्षण निर्देशनालय, हेटौंडा मकवानपुरका अधिकृत चन्दनकुमार अमात्य उद्योग दर्ता गर्न आईईई प्रतिवेदन स्वीकृत गर्ने नाममा सेवाग्राहीसँग लिएको घुस रकमसहित पक्राउ परेका छन् ।

अख्तियार दुरूपयोग अनुसन्धान आयोगको कार्यालय, हेटौंडाबाट खटिएको टोलीले सेवाग्राहीसँग लिएको ५० हजार रुपैयाँ घुससहित आइतवार रंगेहात पक्राउ गरेको अख्तियारका प्रवक्ता प्रदीपकुमार कोइरालाले जानकारी दिएका छन् । निजमाथि अनुसन्धान भइरहेको अख्तियारले जनाएको छ ।