१९ साउन २०७६, काठमाडौँ
प्रहरीले बेवारिसे अवस्थामा झाडीमा तीन किलो हिमाली जडीबुटी यार्सागुँबा बरामद गरेको छ ।
प्रहरी निरीक्षक बसन्त गौतमको कमाण्डमा रहेको टोलीले बर्दियाको बाँसगढी नगरपालिक( ५ बाट झाँडीमा राखिएको ३ हजार ५० ग्राम यार्सागुम्बा बरामद गरेको हो।
पूर्वपश्चिम राजमार्गअन्र्तगत पक्की सडकको उत्तरतर्फ झाडीमा सेतो बोराभित्र रातो प्लाष्टिकमा सिंगो तथा टुक्रा पारी राखिएको ३ किलो ५० ग्राम यार्सागुम्बा बरामद भएको जिल्ला प्रहरी कार्यालय बर्दियाका प्रहरी उपरीक्षक राजेशनाथ बास्तोलाले जानकारी दिएका छन्।
बोराभित्र राखिएको ९ सय ५० ग्राम र सिंगो २ किलो १०० ग्राम यार्सागुम्वा फेला पारेको र घटनाबारे अनुसन्धान भइरहेको एसपी बास्तोलाले जानकारी दिएका छन्।
