०४ साउन २०७६, काठमाडौं
बूढानीलकण्ठ नगरपालिका वडा नं. १० स्थित फ्रेन्डसीप युवा क्लब प्राङ्गणमा निर्माण गरिएको ‘फ्रेन्डसीप चौतारी’ को उद्घाटन नेकपाका केन्द्रिय सदस्य तथा परराष्ट्रविद डा. राजन भट्टराईले गरेका छन् ।
२०४८ सालदेखि स्थानीय समाजसेवामा निरन्तर सक्रिय क्लबले विभिन्न सामाजिक कामहरु गर्दै आएको छ । स्थानीय समाजसेवी रण बहादुर थापाले समाजमा पुर्याएको योगदानको कदर स्वरुप क्लबले फ्रेण्डशिप चौतारी निर्माण गरको क्बलका अध्यक्ष आईते लामा ‘सानुभाई’ले बताए ।
उद्घाटन समारोहमा आफ्नो मन्तव्य राख्दै परराष्ट्रविद् डा. भट्टराईले समाजसेवी स्वर्गीय रण बहादुर थापाले दिएको योगदानको स्मरण गर्दै आफूले चुनावी अभियानमा गरेका प्रतिबद्धताहरु पुरा गर्न निरन्तर लागि रहेका बताए ।
नेकपा जिल्ला कमिटी काठमाडौंका सदस्य मिठाराम अधिकारी, विदुर विक्रम खड्का र लक्ष्मी संग्रौला र बूनपा १० का वडाध्यक्ष नवराज भट्टराईले फ्रेण्डशिप क्लबले गरेका कामको प्रशंसा गर्दै रणबहादुर थापाको योगदान बारे बताएका थिए ।
समारोहमा जिल्ला कमिटी सदस्य संगम गहतराज, सिद्धेश्वर महादेव मन्दिर समितिका अध्यक्ष उद्धव भट्टराई , नेकपाका स्थानीय नेता जगत निरौला, राजन पोखरेल, देवी रेग्मी, कुमार खरेल लगायत स्थानीयको बाक्लो उपस्थिति रहेको थियो ।
