२७ अषाढ २०७६, काठमाडौं
देशका विभिन्न ठाउँका खोला तथा नदीहरुमा जलतसतहले सतर्कता तह पार गरेकाले होसियारी अपनाउन बाढी पूर्वानुमान महाशाखाले आग्रह गरेको छ ।
महाशाखाका अनुसार भारी वर्षाका कारण प्रदेश १,२, ३ का चुरे र पहाडको क्षेत्रबाट बहने प्रायः नदीहरूमा जलसतहले सतर्कता तह पार गरेको छ ।
त्यस्तै थप वर्षा हुने देखिएको तथा बाढी पूर्वानुमान गर्ने कम्युटर मोडेलहरूले समेत जलप्रवाह उच्च हुने देखाएकाले नदीको तटीय क्षेत्रमा उच्च सतर्कता अपनाउन आग्रह गरिएको छ ।
महाशाखाका अनुसार, हाल कपिलवस्तु, रूपन्देही, चितवन, बारा, पर्सा, मकवानपुर, सिन्धुली, सिराहा, रौतहट र आसपास अधिकांश स्थानमा भारी वर्षा मापन भएको छ ।
कमला, बागमती, यसका शाखा नदीहरू र अन्य साना नदीमा जलसतह बढ्दो छ । केहीमा खतरा तह पार हुने सम्भावना भएकाले सतर्क रहन महाशाखाले आग्रह गरेको छ ।
