सर्वसाधारणमा भूकम्पको आतंक फैलाउने ‘ज्योतिषी’ छुटे

३१ जेठ २०७६, काठमाडौं

जेठ महिनाभित्र देशमा विनाशकारी भूकम्प आउँछ भनी युट्युब भिडियो मार्फत सर्वसाधारणमा आतंक फैलाएको आरोपमा पक्राउ परेका ‘ज्योतिषी’ अर्जुन थापा क्षेत्री रिहा भएका छन् ।

देशमा महाभूकम्प आउँछ भन्दै अफवाह फैलाएको अभियोगमा उनलाई गत जेठ २१ गते गौशालाबाट पक्राउ गरेको थियो ।

महानगरीय प्रहरी परिसर काठमाडौंका प्रवक्ता डीएसपी होविन्द्र बोगटीले क्षेत्रीलाई जिल्ला अदालत काठमाडौंले तारेखमा रिहा गरेको बताए ।