०९ जेठ २०७६, काठमाडौं
राष्ट्रपति विद्यादेवी भण्डारीद्वारा मानव अधिकारको लागि महिला, एकल महिला समूह (डब्लुएचआर)को २५ औं रजत जयन्तीको अवसरमा छहारी भवनको उद्घाटन हुने भएको छ ।
केन्द्रिय अध्यक्ष कुन्दा शर्माले भवन निर्माणमा साथ सहयोग गर्ने सवै संघसंस्थाहरुलाई धन्यवाद ज्ञापन गरेकी थिईन् । छहारी संस्था यहा मात्र नभएर अहिले देशका १४ वटा जिल्लामा आफ्नै कार्यालय भएको र ७७ वटै जिल्लाका एक लाख भन्दा वढि एकल महिला आवद्ध भएको बताएकी छिन् ।
छहारी संस्थाकी संस्थापक अध्यक्ष लिलि थापाले एकल महिलाको लागि आफूले लामो समय सम्म गरेको काम र भोगेको अनुभव सुनाउँदै निकै भावुक भएकी थिईन् । संस्थापक अध्यक्ष थापाले भवन बनाउन आफूले आफ्नो सम्पति बेचेर सो जग्गा संस्थाको नाममा किनेको दावी गरिन् ।
भवन बनाउन कुल लागत पाँच करोड मध्ये भारतीय सरकारको ४ करोड ३५ लाख र ५३ लाख छहारी संस्थाकै लागतमा २८ कोठे भवन बनेको जानकारी सूचना अधिकृत उमा थापाले परिवर्तन खबरलाई जानकारी गराईन् ।
कार्यकारी निर्देशक सुमिरा श्रेष्ठले जेठ १२ गते हुने कार्यक्रममा एकल महिला समूहद्वारा उत्पादित सामग्रीको प्रदर्शन हुने बताएकी छिन् ।
कार्यक्रममा एकल महिलाको फोटो प्रदर्शनी, स्वास्थ्य शिविर लगायत सेवाहरु समेत समावेश गरिएको प्रेस विज्ञप्तीमा जनाईएको छ ।
प्रेस विज्ञप्ती: 
