०८ जेष्ठ २०७६, काठमाडौं
कुनै पनि बेला बत्ति झ्याप्पै गयो भने, अझै कत्ति मान्छेको मुखबाट सजिलै फुत्किने शब्द हो, ‘कुलमान गयो’ !
कुलमान घिसिङ, जो अहिलेका नेपाल विद्युत प्राधिकरणका प्रमुख कार्यकारी निर्देशक हुन् ।
जसले आम–उपभोक्ताहरुको वाहवाही पाउँदै आएका छन् ।
गत ०७३ कार्तिक १४ मा कुलमान नेपाल विद्युत प्राधिकरणको प्रमुख कार्यकारी निर्देशकको ओहोदामा बसिरहँदा नेपालमा १८ देखि २० घण्टासम्म लोडसेलिङ्गमा जीवन चलाईरहँन यहाँका जनता वाध्य थिए ।
तर जब, कुलमान कार्यकारी निर्देशकको भूमिकामा देखिए, त्योसँगैं देश उज्यालो भयो । उनले अठोट लिएका ‘उज्यालो नेपाल’ अभियान सफल बनाए ।
अथवा यसो भनौं, धेरै जनताको जीवनमा उज्यालो छायो, धेरै जनता खुशी लिएर बाँच्न पाए ।
त्यसो त, नेपालकै इतिहासमा विद्युतको क्षेत्रमा कुलमानले उत्कृष्ट काम गरेकै हुन् भन्न हामी सक्छौं ।
जबकी, उनले आर्थिक वर्ष ०७२/०७ मा ३ अर्व ६ करोड ३९ लाखको नोक्सानीमा रहेको प्राधिकरणलाई केही समयमै २ अर्व ४० करोड ७३ लाख रुपैंयाको मुनाफामा ल्याउँन सफल भए भने, ट्रान्सफर्मर तथा विद्युत पोलहरु बनाउँने छुट्टाछुट्टै कम्पनी खोल्नेदेखि संघीय संरचनाअनुसार हुने गरी क्षेत्रीय प्रसारणको कार्यालयको स्थापनासम्म गर्न भ्याए ।
त्यस्तैगरी उत्पादनतर्फ, प्रसारणतर्फ धेरै भन्दा धेरै परिवर्तनहरु आए ।
यो नतिजालाई नियाल्ने हो भने, कुलमान सबैको सर्वेसर्वा नै हुनुपर्ने हो ।
तर, यत्तिबेला कुलमान विवादमा तानिएका छन्, किन तानिए त्यो भने, बुझ्न बाँकी नै छ, छानबिन हुन बाँकी नै छ । सत्य के हो बुझ्न बाँकी नै छ ।
हुन त उनलाई विभिन्न समयमा विविध कारणहरु देखाउँदै उनलाई फरक–फरक फन्दामा पार्न खोजिएको पहिलो पटक भने होईन ।
नेपालमा एउटा चलेको उखान छ, ‘राम्रो मान्छे धेरै टिक्दैन’ !
केही न केही उसमा खोट समाजले नै लगाईदिएको हुन्छ ।
यसो भनिरहँदा फेरि कुलमानलाई देवत्वकरण अनि अमनलाललाई राक्षसीकरण गरेको भने पक्कै होईन ।
यो त केवल नेपाली समाजको एउटा चलिआएको रितलाई व्याख्या गरिएको मात्रै हो ।
यस बारेमा छानबिन त संघीय संसदको लेखा समितिले गर्ने नै भनिरहेको छ ।
मंगलबार मात्रै संसदको सार्वजनिक लेखा समितिको बैठकमा नेकपाका सांसद अमनलाल मोदीले कुलमानमाथि भ्रष्टाचारविरुद्धको गम्भीर आरोप लगाएका छन् ।
यो आरोप आरोपमा मात्रै सीमित हुन्छ अथवा असीमिततालाई नाघेर जान्छ, त्यो छानबिनले नै बताउँने छ ।
अमनलालले भनेका छन्, ‘कुलमानले ९ अर्व बढि भ्रष्टाचार गर्यो ।’
जवाफमा कुलमानले भनेका छन्, ‘भ्रष्टाचार भएको प्रमाणित भए म झुन्डिएर मर्न तयार छु ।’
कुलमान झुन्डिएर मर्लान् अथवा अमनलाल वेफ्वाक सावित तुलिन्छन्, यो हेर्न भने, आम नागरिक पनि तयार नै होलान् ।
सांसद अमनलालले डेडीकेटेड फिडर तथा टंक लाईन उपयोग गर्ने उद्योगी तथा व्यापारीहरुसँग बक्यौता रकम असुली गर्ने नाममा ९ अर्व भ्रष्टाचार गरेको आरोप लगाएका छन् ।
त्यहिँ समयमा निर्देशक घिसिङ पनि प्रतिवादमा उत्रिएर आफु सांसद भए भन्दैमा मनपरि नबोल्न सुझाएका थिए ।
“ती उद्योगी तथा व्यापारीहरुलाई पत्राचार गरिसकिएको छ ।” कुलमानले भने ।
अन्त्यमा !
हाम्रालाई होईन, राम्रालाई प्राथमिकता दिनुपर्छ, यो हामी सबैको अकाट्य सिद्धान्त हो ।
यो सिद्धान्तअनुसार यस विषयमाथि पनि छानबिन हुनु आवश्यक छ ।
दोषीलाई सजाय निर्दोषीलाई न्याय–
