०३ जेष्ठ २०७६, काठमाडौं
‘विश्व रेकर्ड’को क्षेत्रमा नेपालले पछिल्लो समयमा धेरै साहसीला र आँटिला धेरै कामहरु गर्दै आईरहेको छ ।
यस्तै फेरी एकपटक ‘विश्व रेकर्ड’मा ‘नेपाल’ लेखिने भएको छ ।
दुई दिदी–बहिनी एलिशा श्रेष्ठ र रुविशा श्रेष्ठले लगातार ४० घण्टा युगल नृत्य गरेर ‘गिनिज बुक अफ वर्ल्ड’ रेकर्डमा नाम राख्ने तयारी गरेका छन् ।
यसभन्दा केही महिना अगाडी मात्रै नेपालकी साहसी छोरी बन्दना नेपालले १२६ घण्टा लगातार नृत्य गरेर ‘विश्व रेकर्ड’ राखेकी थिईन् ।
यस्तै दुई दिदी–बहिनी एलिशा श्रेष्ठ र एलिशा श्रेष्ठले पनि युगल नृत्यबाट विश्व रेकर्ड राख्न लागेका हुन् ।
सानैदेखि नृत्यमा रुची राख्ने यी दुई दिदी–बहिनी एलिशा र रुविशा अहिले स्थापित नृत्यकारहरु हुन् ।
काठमाडौं चन्द्रागिरी नगरपालिकास्थित स्थाई घर भएका एलिशा र रुविशा हाल कयापिटल कलेजमा स्नातक पहिलो वर्षका विद्यार्थीहरु हुन् ।
यो सबै जानकारी बुधबार रिपोर्टस क्लबमा पत्रकार सम्मेलन गरी दिईएको थियो ।
४० घण्टे नृत्यका संयोजक तथा मोटिभेशनल स्पिकर सन्तोष लामाले प्रेस मिटमा बोल्दै नेपाल विश्व लोक–संस्कृतिमा धनी हुनु र यस्तो विधामा ‘विश्व रेकर्ड’ राख्नु समस्त नेपालीका लागि खुशीको कुरा भएको बताए ।
त्यस्तै कार्यक्रममा रिपोर्टर्स क्लब नेपालका सभापति ऋषि धमलाले दिदी–बहिनीले विश्व किर्तीमानी कायम गर्ने दावी गरे ।
यसअघि पनि बन्दना नेपालले क्लबमार्फत नै विश्व किर्तीमानी गर्ने घोषणा गरेको र पछि सफल भएको धमलाले सुनाए ।
“म ग्यारेन्टीका साथ भन्छु, उहाँहरुले विश्व रेकर्ड कायम गर्नुहुन्छ ।” धमलाले भने ।
सम्बन्धित समाचारहरुः
दुई दिदी–बहिनी ‘रुविशा’ र ‘एलिशा’ ४० घण्टा लामो युगल नृत्य गरेर ‘विश्व रेकर्ड’मा नेपाललाई ह्याट्रिक दिलाउँने साहसमा जुट्दै ! (भिडियो सहित)
‘विश्व रेकर्ड’को क्षेत्रमा नेपालको ह्याट्रिक, दुई दिदी–बहिनी एलिशा र रुविशाद्वारा ४० घण्टे नृत्य गरिदैं !(प्रेस विज्ञप्तीसहित)
विज्ञप्ती हुर्नुहोस् !
