सरकारले लगानीमैत्री वातावरण नबनाएको भन्दै निजी क्षेत्रको गुनासो

२६ बैशाख २०७६,काठमाडौं

सरकारले नीतिगत तथा कानुनी व्यवस्था नगरेकोले देशमा लगानीको वातावरण सिर्जना नभएको नेपाल चेम्बर अफ कमर्सका उपाध्यक्ष कमलेशकुमार अग्रवालले बताएका छन् ।

निजी क्षेत्रले लगानीमैत्री वातावरण बनाउन सरकारसँग माग राख्दै आएपनि प्रगति हुन नसकेको अग्रवालले बताएका हुन् ।

संघीय संसदको अर्थ समितिले बिहिबार काठमाडौंमा आयोजना गरेको आगामी आर्थिक वर्षको ‘प्रि–बजेट’ छलफमा बोल्दै अग्रवालले बजेटमा विकासको पूर्वाधार विकासमा पनि जोड दिनुपर्ने विचार राखेका छन् ।

महासंघले बैंकको उच्च ब्याजदर घटाएर उद्योगमैत्री वातावरण बनाउने गरी आगामी आर्थिक वर्षको बजेट ल्याउन पनि सरकारलाई सुझाव दिएको छ ।