२२ बैशाख २०७६, काठमाडौं
‘प्रधानमन्त्री कप राष्ट्रिय क्रिकेट प्रतियोगिता’को तेस्रो संस्करण आगामी १ जेष्ठबाट सुरु हुने भएको छ ।
१४ जेष्ठसम्म चल्ने प्रतियोगितामा तीन विभागीय टिम र सात प्रदेशसहित १० टोलीले सहभागिता जनाउने राष्ट्रिय खेलकुद परिषद्ले जनाएको छ ।
प्रतियोगितामा सहभागि टिमलाई दुई समूहमा विभाजन गरेर खेलाइने छ । दुबै समूहका शीर्ष दुई टोलीले सेमिफाइनलमा स्थान बनाउनेछन् ।
प्रतियोगिताको विजेताले २० लाख र उपविजेताले १० लाख रुपैयाँ प्राप्त गर्नेछ ।
त्यस्तै प्रतियोगिताको उत्कृष्ट खेलाडीले मोटरसाइकल प्राप्त गर्नेछ ।
नेपालयसँगको सहकार्यमा सञ्चालन हुने प्रतियोगिताको लागत १ करोड ७५ लाख हुने छ ।
