निर्वाचन प्रणाली सुधारका लागि सूचना प्रविधियुक्त व्यवस्थापनमा प्राथमिकता : प्रमुख निर्वाचन आयुक्त

२० बैशाख २०७६, काठमाडौं

प्रमुख निर्वाचन आयुक्त दिनेशकुमार थपलियाले चुनावलाई सर्वस्वीकार्य बनाउन संचार माध्यमहरुको भूमिका महत्वपूर्ण हुने बताएका छन् ।

शुक्रबार प्रेस स्वतन्त्रता दिवसको अवसरमा काठमाडौंमा आयोजित कार्यक्रममा बोल्दै उनले निर्वाचन सर्वस्वीकार्य बनाउन प्रेसको भूमिका महत्वपूर्ण हुने बताएका हुन् ।

साथै प्रमुख निर्वाचन आयुक्त थपलियाले निर्वाचन प्रणाली सुधारका लागि संचार क्षेत्रसँग गम्भीर बहस गर्ने योजना पनि अघि सारेका छन् ।

प्रमुख निर्वाचन आयुक्त थपलियाले निर्वाचन प्रणाली सुधारका लागि सूचना प्रविधियुक्त निर्वाचन प्रणाली व्यवस्थापनको कामलाई आयोगले उच्च प्राथमिकताको साथ अगाडि बढाएको बताए ।