१९ बैशाख २०७६, काठमाडौं
विश्व फुटबलका उत्कृष्ट खेलाडी तथा पोर्चुगिज सुपरस्टार क्रिस्टियानो रोनाल्डोले ९५ लाख पाउण्ड अर्थात करिब १ अर्ब ३८ करोड १६ लाख ४३ हजार रुपैयाँ मूल्यको कार किनेका छन् ।
उनले बुगाटी ला भुइचर नोयर कार किनेका हुन् । डेलिमेलका अनुसार यो संसारकै सबैभन्दा महंगो कार हो । यो कार बजारमा आइसकेको छैन ।
पहिलोपटक यो कार जेनेभा मोटर शो २०१९ मा प्रदर्शन गरिएको थियो ।
बुगाटीले अहिले यो कारको एक मात्र प्रोटोटाइप निर्माण गरेको बताइएको छ । कम्पनीको ११० औं स्थापना दिवसको अवसरमा बनाइएको यही एकमात्र सुपरकार रोनाल्डोले किनेका हुन् ।
खबरका अनुसार यो कार २०२१ मा मात्रै रोनाल्डोले पाउँनेछन् । किनकी यो कम्पनीको नमुनामा अझै केहि भागको अन्तिम रुप दिन बाँकी छ ।
