संघीय संसदको बजेट अधिवेशन आजदेखि सुरु, २७ विधेयक प्रस्तुत गर्ने तयारी

१६ बैशाख २०७६, काठमाडौं

संघीय संसदको बजेट अधिवेशन आजबाट सुरु हुदैँछ । सरकारको सिफारिसमा राष्ट्रपति विद्यादेवी भण्डारीले आह्वान गरेको बजेट अधिवेशन आजबाट सुरु हुन लागेको हो ।

संघीय संसद सचिवालयले सोमबार अपराह्न ४ बजेका लागि संसदको चोथौं अधिवेशन बोलाईएको  छ ।

वर्षे अधिवेशनमा सरकारको नीति तथा कार्यक्रम र बजेट प्रस्तुत गर्नुका साथै त्यसमाथि छलफल गरेर प्रस्तुत गरिन्छ  संविधानको व्यवस्थाअनुसार जेठ १५ गते संसदमा बजेट प्रस्तुत गर्नुपर्छ ।

त्यसअघि सरकारको नीति तथा कार्यक्रम राष्ट्रपतिले प्रस्तुत गर्ने प्रचलन छ ।  सचिवालयका अनुसार चौथौं अधिवेशनका लागि प्रतिनिधिसभामा कूल २७ विधेयक प्रस्तुत गरिनेछ ।