२६ चैत २०७५, काठमाडौं
रौतहटको देवाही गोनाही नगरपालिका ३ देवाहिटोलमा आएको हावाहुरीबाट एक महिलाको ज्यान गएको छ ।
मंगलबार बिहान ९:३० आएको हावाहुरीमा धनेशराम चमारकी ६६ वर्षीया श्रीमती रमसखरीया देवीरामको मृत्यु भएको हो ।
जिल्ला प्रहरी कार्यालयका प्रहरी निरीक्षक बन्द्री पौडेलका अनुसार हावाहुरीका कारण घरको टाली खसेर उनको मृत्यु भएको थियो ।
हावाहुरीसँगै आएको असिना पानीले स्थानीयका घरहरुका छाना उडेका छन् भने रुखहरु ढलेका छन् । त्यस्तै, विजुलीका पोलहरु ढलेको प्रहरीले जानकारी दिएको छ ।
