०६ फागुन २०७५, काठमाडौं
केही दिन अघि भारतको नयाँ दिल्लीमा आयोजित अन्तर्राष्ट्रिय सौदर्य प्रतियोगिता ‘मिस सुपर मोडल ग्लोव २०१९’मा नेपालको प्रतिनिधित्व गर्दै प्रतियोगितामा सहभागी भएकी अदिति अधिकारीलाई ठुलो सफलता हात पारेको छ ।
उनले प्रतियोगितामा ‘सेकेण्ड रनरअप’ र ‘मिस फेसन मोडल’को दुई महत्वपुर्ण उपाधि नेपाल हात पारेकी छिन् ।
नेपाल, भारत, चिन, बंगलादेश लगायत १६ देशका सुन्दरीहरुको सहभागीता रहेको प्रतियोगितामा शिर्ष उपाधि मिस रसिया तातीयाना र फष्टरनर अप मिस फिलिपिन्स पाउलिनले जितेका थिए ।
‘मोडल हन्ट नेपाल २०१८’ की बिजेता समेत रहेकी अदितिले प्रतियोगिताबाट आफुले धेरै कुरा सिकेको बताइन् । उनले ‘मिस सुपर मोडल ग्लोव २०१९’मा नेपाली कलासंस्कृतिले भरिएको बिभिन्न पोसाकहरु प्रस्तुत गरेकी थिईन ।
