२६ मंसिर २०७५, काठमाडौं
एभरेष्ट प्रिमियर लीग क्रिकेटमा विराटनगर वारियर्सले भैरहवा ग्लाडीयटर्सलाई ९२ रनको सामान्य लक्ष्य दिएको छ ।
टियु क्रिकेट मैदानमा भैरहवाले टस जितेर फिल्डिङ रोजेपछि ब्याटिङ गरेको विराटनगरले १८ ओभर ४ बलमा अलआउट हुँदै ९१ रन बनाउन सक्यो । विराटनगरका लागि भान डेर मेर्वीले २५ रन जोड्दा करण केसीले १८ रन जोडे । यस्तै सुमित महर्जनले १५ रन जोड्दा हरि बहादुर चौहानले अविजित १३ रन बनाए ।
विराटनगरलाई सस्तैमा समेट्न भैरहवाका लागि मोहमद नाभिदले उत्कृष्ट बलिङ गरे । नाभिदले ४ ओभर बलिङ गर्दै १४ रन खर्चेर ४ विकेट लिए । यस्तै कृष्ण कार्की र अविनाश बोहोराले २ २ विकेट लिए। अहिले भैरहवाले जवाफी ब्याटिङ गरिरहेको छ ।
