१९ मंसिर २०७५, काठमाडौं
युरोपियन फुटबलको सर्वोच्च निकाय युइएफएले च्याम्पियन्स लिग फुटबलको नक आउट चरणमा भिआर (भिडियो असिस्टेन्ट रेफ्री) प्रयोग गर्ने निर्णय गरेको छ ।
युइएफएले यसबारे जानकारी दिँदै जारी सिजनको अन्तिम १६ बाटै भिडियो रेफ्री प्रयोग गने निर्णय गरेको हो । जारी सिजनको नक आउट चरण सन् २०१९ को फेब्रुअरी महिनाबाट सुरु हुँदैछ । अहिले समूह चरणको अन्तिम चरणको खेल बाँकी छन् । युएफएले अहिले नकआउट चरणबाट भिआर प्रयोग गगरेर आगामी सिजनबाट भने सुरुबाटै भिडियो रेफ्री प्रयोग गर्ने निर्णय पनि गरेको छ ।
युइएफएले यसअघि भने अर्को सिजनबाट मात्रै भिआर प्रयोग गर्ने बताएको थियो । तर, उसले यसै सिजनको मध्यसिजनबाटै भिआर प्रयोग गर्ने निर्णय गरेको हो ।
