०९ मङ्सिर २०७५, काठमाडौं
प्रत्येक वर्ष २५ नोभेम्बरका दिन मनाईने महिला विरुद्ध हुने हिंसा निर्मूलन सम्बन्धी अन्तर्राष्ट्रिय दिवसमा राष्ट्रपति विद्यादेवी भण्डारीले सम्पूर्ण नेपाली दिदीबहिनी तथा दाजुभाईको सुख, समृद्धि र सुस्वास्थ्यको कामना गर्दै शुभकामना व्यक्त गरेकी छिन् ।
संयुक्त राष्ट्र संघको महासभाले नोभेम्बर २५ लाई महिला विरुद्ध हुने हिंसा निर्मूलन सम्बन्धी अन्तर्राष्ट्रिय दिवस पारित गरेसँगै नेपालमा पनि “लैंगिक हिंसा र दुर्व्यवहार : छैन हामीलाई स्वीकार” भन्ने राष्ट्रिय नाराका साथ विभिन्न कार्यक्रमहरु आयोजना गरी मनाईएको छ ।
बोक्सीको आरोप, छाउपडी, दाइजो जस्ता कुप्रथालाई कानूनले निषेध गरेतापनि अन्धविश्वास, कुरिति, कुसंस्कारले गर्दा नेपाली समाजमा अझैपनि महिलाहरु हिंसा, विभेद र अपमानकाको शिकार हुन बाध्य भएका छन् । तसर्थ राष्ट्रपति भण्डारीले महिला विरुद्ध हुने हिंसालाई निषेध र निरुत्साहित गर्ने कार्यको सफलताका लागि राष्ट्रपति, भवन शितलनिवासबाट शुभकामना व्यक्त गरेकी हुन् ।
