एशियन ओलम्पिक छनौट : दोस्रो चरणमा नेपालको स्थान सुरक्षित

२८ कार्तिक २०७५, काठमाडौं

नेपाली टोलीले ओलम्पिक खेलकुदअन्तर्गत महिला फुटबल छनौटको दोस्रो चरणमा प्रवेश गरेको छ । मंगलबार भएको खेलमा बंगलादेशसँग १–१ गोलको बराबरी खेले पनि नेपाल दोस्रो चरणमा प्रवेश गरेको हो । नेपाल समूह सी को तेस्रो स्थानमा रहेपनि उत्कृष्ट हुदै दोस्रो चरणमा प्रवेश गरेको हो ।

म्यानमारको थुवुन्ना रंगशालामा नेपालले सुरुवाती समयमै अग्रता बनाएको थियो । खेलको १६औं मिनेटमा कप्तान निरु थापाले गोल गर्दै अग्रता दिलाएकी थिइन् । पहिलो हाफमा १–० गोलले अघि रहेको नेपालले खेलको अन्तिम मिनेटमा गोल खादै अंक बाँडेको हो । खेलको अतिरिक्त समयमा बंगलादेशकी अखी खातुनले गोल गर्दै बराबरीमा पुर्याएकी हुन् ।

यसअघि नेपालले भारत र आयोजक म्यानमारसँग समान १–१ गोलको बराबरी खेलेको थियो । यो समूहबाट म्यानमार र भारतपनि दोस्रो चरणमा प्रवेश गरेका छन् ।