२६ कार्तिक २०७५, काठमाडौं
राष्ट्रिय खेलकुद परिषद् (राखेप) का पुर्व उपाध्यक्ष पिताम्बर तिमल्सिना सहित तीन अन्य तीन पदाधिकारी राखेप बोर्ड सदस्यमा नियुक्त भएका छन् ।
युवा तथा खेलकुद मन्त्री जगत बहादुर विश्वकर्माले रिक्त रहेको बोर्ड सदस्यका लागि तिमल्सिनासहित ३ पदाधिकारीको नाम सिफारिस गरेका थिए । विश्वकर्माको सो सिफारिसको आधारमा आईतबारको मन्त्रीपरिषद्ले नेपाल भलिबल संघका केन्द्रिय सदस्य इन्दिरा निरौला र पुर्व सदस्य राजेश गुरुङलाई नियुक्त गरेको हो । उनीहरु नियुत्त भएका तर, नियुक्तिपत्र भने केही दिनपछि उपलब्ध गराईने बताईएको छ ।
राखेप बोर्ड सदस्यमा नियुक्त भएका तिमल्सिना लामो समयबाट नेपाली खेलकुदमा सक्रिय रहेका छन् । यस्तै निरौला पुर्व राष्ट्रिय महिला भलिबल खेलाडी हुन् । हाल भलिबल संघको केन्द्रीय सदस्य समेत रहेकी छिन् । बक्सिङका पुर्व खेलाडी गुरुङ पुर्व राखेप सदस्य हुन् ।
