२६ असोज २०७५, काठमाडौं
नेपाल आइडल प्रथम संस्करणको अपार सफलता पछि यसको दोस्रो संस्करण पनि सुरु भएर अहिले गाला राउण्ड चलिरहेको छ । आज सिजन २ गाला राउण्डको ५ अर्थात नेपाल आइडल सिजन २ को १९ औँ भाग निक्कै नै रमाइलो र त्यतिकै वियोगान्त बन्यो आज प्राय प्रफमरहरुले रेस्पेक्ट अर्थात ३ जना जजहरुको स्ट्यान्डीङ अभियशन पाए जुन निकै कम कन्टेस्टेन्टहरुले पाउँछन । नेपाल आइडलमा पाहुनाको रुपमा अथिति गेष्ट चर्चित गित सुन साईलीका गायक हेमन्त राणा उपस्थित थिए ।
सो निकै सौहार्दमा चलिरहेकै थियो प्रस्तुतिकै दौरानमा अमित बराल २:५० बजे तिर झोला बोकेर स्टेजमा आए तब सम्म माहोल ठिकै थियो, जब उनले आफ्नो प्रस्तुति दिन सुरु गरे जज इन्दिरा भक्कानिदै रोईन र साथमा न्ह्यु बज्राचार्य पनि रोए अन्ततस् काली प्रशाद र हेमन्तका आँखा पनि रसाए । सबैको ध्यान गोल्डेन माइक बिजेता तिर भएपनि आज भने अमित बरालले सबैको नजर खिचे, उनै अमित नै थिए जो नेपाल आइडलको अडिशन हुनुभन्दा केहिसमय अघि विदेश झन्डै गईसकेका थिए ।
तर मुखैमा आएको आइडलमा किन ट्राइ नगर्ने भन्दै बरालले अडिसन दिए र जसले रोकियो उनको विदेश यात्रा । त्यहाँ पोखराका बिक्रम बरालको पनि कथा उस्तै छ उनि पनि विदेशको सुरसारमै थिए तर उनको बाटो पनि नेपाल आइडलले नै रोक्यो । धनगडी आइडलको उपमा पाएका रबि ओडको प्रस्तुति पनि कम्ति थिएन ओमबिक्रमको गित गाउँदै उनले पनि रेस्पेक्ट पाएका थिए, समग्रमा अहिलेसम्मका प्रस्तुति भन्दा आजको प्रस्तुति निक्कै रमाइलो र भावुक पनि थियो ।
