२४ असोज २०७५, काठमाडौं
अखिल नेपाल फुटबल संघ (एन्फा) ले भुटानमा सम्पन्न महिला च्याम्पियनसिपमा उपविजेता बन्न सफल प्रत्येक खेलाडीलाई जनही ५० हजार दिने घोषणा गरेको छ ।
एन्फा अध्यक्ष कर्मा छिरिङ शेर्पाको अध्यक्षतामा मङ्गलबार बसेको बैठकले उनीहरुलाई प्रत्येक सदस्यलाई जनही रु ५० हजार दिने निर्णय गरेको हो । गत २१ असोजमा नेपाल बंगलादेशसँग पराजित भई उपविजेता भएको थियो ।
त्यस्तै सेमिफाइनल खेलमा नेपालले चिरपरिचित प्रतिद्वन्दी भारतलाई पेनाल्टी सुटआउटमा ३–१ गोल अन्तरले पराजित गर्दै फाइनलमा स्थान बनाएको थियो । नेपाली टोली आज नेपाल फर्कने भएका छन् ।
