बलिउड फिल्म जगतमा आजकाल विभिन्न कलाकार क्यान्सर पीडित भएको खबर सार्वजनिक भइरहेका छन् । यहाँ हामी तपाईंलाई ती कलाकारबारे जानकारी दिँदै छौं जसमध्ये कतिको क्यान्सरको उपचार भइरहेको छ भने कतिले यसबाट पार पाइसकेका छन् भने कसैको क्यान्सरका कारण मृत्यु भइसकेको छ ।
मनिषा कोइराला
नेपाली मूलकी बलिउड नायिका मनिषा कोइरालालाई पाठेघरको क्यान्सर भएको थियो । उनले अमेरिकामा उपचार गराएकी थिइन् र सन् २०१५ मा उनी पूर्ण रुपमा क्यान्सरमुक्त भएपछि अस्पतालबाट डिस्चार्ज भएकी थिइन् । उनी अहिले ४२ वर्ष पुगेकी छिन् । पूर्ण रुपमा ठिक भएपछि मनिषाले फिल्म ‘सञ्जु’ मार्फत बलिउडमा ब्याक भएकी थिइन् ।
सोनाली बेन्द्रे
यो सूचीमा सबैभन्दा पहिले नायिका सोनाली बेन्द्रेको नाम आउँछ किनभने अहिले उनको अमेरिकामा क्यान्सरको उपचार भइरहेको छ । उनलाई हाई ग्रेड क्यान्सर भएको छ । यस्तो क्यान्सरमा शरिरका विभिन्न हिस्सा काम गर्न बन्द गर्छन् ।
इरफान खान
यस्तै नायक इरफान खानलाई न्यूरोएन्डोक्राइन क्यान्सर भएको छ । आजकाल उनको लण्डनको एक अस्पतालमा उपचार चलिरहेको छ ।
लिसा रे
लिसा रेलाई पनि रगतको क्यान्सर भएको थियो तर उनी अहिले पूर्ण रुपमा क्यान्सरमुक्त भइसकेकी छिन् ।
ताहिरा
अभिनेता र गायक आयुष्मान खुरानाकी श्रीमती ताहिरालाई स्तन क्यान्सर भएको खबर हालै सार्वजनिक भएको थियो । अहिले उनको उपचार चलिरहेको छ । उनको स्वास्थ्यमा सुधार भइरहेको बताइएको छ ।
राजेश खन्ना
बलिउडका सुपरस्टार राजेश खन्नालाई क्यान्सरका कारण डायलिसिसमा राखिएको थियो । तर उनी यो लडाईंसँग हारे र सन् २०११ मा उनको मृत्यु भयो ।
विनोद खन्ना
पछिल्लो वर्ष दिवंगत अभिनेता विनोद खन्नाको मृत्यु क्यान्सरका कारण भएको थियो । उनको मूत्रनलीमा क्यान्सर भएको थियो ।
