![](https://i0.wp.com/www.pariwartankhabar.com/wp-content/uploads/2018/09/Machhapuchre-Bank.jpg?fit=700%2C394&ssl=1)
३१ भदौ २०७५, काठमाडौं
माछापुच्छ्रे बैंक लिमिटेडको खाता विश्वका सबै ठाउँबाट खोल्न सकिने भएको छ ।
बैंक खाता खोल्न बैंकमै जानुपर्ने बाध्यता बाट ग्राहकहरुलाई छुटकारा दिने उद्देश्यले अनलाईन खाता मार्फत विश्वको जुनसुकै कुनाबाट खोल्न र संचालन गर्न सकिने बैंकले जनाएको हो ।
बैंकको वेबसाईटमा गई अनलाईन खाता खोल्न ग्राहकहरुले अनलाईन मार्फत फारम भर्नुपर्नेछ । इन्टरनेटको माध्यमबाट कम्प्युटर, मोबाईल, ट्याबलेट/आइ-प्याड लगायतका साधनहरुको प्रयोग गरी विश्वभर खाता खोल्न सकिने जानकारी बैंकले दिएको छ ।
माछापुच्छ्रे बैंकले हालसालै बचत खातामा प्रदान गर्दै आएको ब्याजदर समेत वृद्घि गरि ७ प्रतिशत पुर्याएको छ । बैंकले विभिन्न बचत खाताहरुमा ५ प्रतिशत देखि अधिकतम ७.५ प्रतिशत सम्म ब्याज प्रदान गर्ने जनाएको छ । ग्राहकहरुले स्मार्ट बचत खाता तथा तलब व्यवस्थापन खातामा ७ प्रतिशत ब्याजदर पाउन सक्नेछन् ।