बिराटनगरमा बम बिस्फोट गराउने तीन जना पक्राउ
१८ भदौ २०७५, काठमाडौं
२१ दिन अगाडि बिराटनगर महानगरपालिका कार्यालयमा भएको बम विस्फोटमा संलग्न पक्राउ परेका छन् । बम विस्फोट गरेको भन्दै प्रहरीले तीन आरोपीलाई आज सार्वजनिक गरेको हो । पक्राउ परेका तीनै जना महानगरमा सेवाग्राहीको रुपमा गएको प्रहरीको भनाई छ ।
बम विस्फोटको छानबिन गरिरहेको प्रहरीले १ महिना बित्न लाग्दा समेत दोषी पक्राउ गर्न नसकेको भन्दै प्रहरीको आलोचना हुँदै आएको थियो । अनुसन्धान गरिरहेको प्रहरीले महानगरको सिसिटीभी क्यामेरामा केही नहुँदा अल्मलिएको थियो । लगत्तै सडकमा रहेको सिसिटीभी फुटेजबाट दोषी पक्राउ परेका हुन् ।
प्रहरीले बम विस्फोटको आरोपमा मोरङको जहदा गाउँपालिका वडा नम्बर २ का ५३ वर्षीय मनोजकुमार सिंह, सिराहाको खुशीपुर नगरपालिका वडा नम्बर ५ का २४ वर्षीय रामरिझन यादव र सिरहाको लक्ष्मीपुरपतार गाउँपालिका वडा नम्बर ३ का २० वर्षीय अभिमन्यु गिरी लाई सार्वजनिक गरेको छ ।
मोरङ प्रहरीका एसपी मनोज कुमार केसीका अनुसार पक्राउ परेकाहरुलाई हात हतियार खरखजना अन्र्तरगतको मुद्दा लागाईने छ । प्रहरीका अनुसार बम विस्फोट एउटा गिरोह नै मिलेर गराईएकाले संगठित अपराधको मुद्दा समेत लगाउन सकिने छ ।
