१४ भदौ २०७५, काठमाडौं
बाजुराको बडीमालिका नगरपालिकाका उपप्रमुख कविता विष्ट आफू नेतृत्वमा आएपछि जनताले प्रत्यक्ष महशुस गर्ने गरी काम भएको बताइन् ।
नगपालिका संघको छैठौं महाधिवेशनमा परिवर्तन खबरसँग कुरा गर्दै खोलाको पानी पिउन पर्ने अवस्थालाई सुधार्दै चारवटा टयाङ्की बनाएको बताउँछिन् ।
वडावडामा सडक पुर्याउने र नगरबासीलाई आत्मनिर्भर बनाउन व्यवसायमूलक काम गर्ने योजना रहेको सुनाइन् ।
महिलाहरुले झनै परिवर्तनको महशुस गरेको बताउँदै उनले महिलासँग उपप्रमुख नामक कार्यक्रम गर्दै आएको बताइन् ।
‘छोरी चेली वंशको आधार सृष्टीको श्रृजना कूलको उपहार’ भन्ने नारासहित वडा ९ वटै वडामा पुगेको बताइन् ।
हिंसा पीडित र एकल महिला गरी १७ जनालाई उन्नत जातको बाख्रा वितरण गरेको बताइन् । साथै उनले केही स्थानमा छाउ गोठ मूक्त अभियान घोषणा र यसको निरन्तरताका लागि १० लाख बजेट विनियोजन गरेको बताइन् ।
यो पनि पढ्नुहोस
