दाङमा १२ दिनको बिचमा ११ पुरुषद्वारा सम्बन्ध विच्छेद

१३ भदौ २०७५, काठमाडौं

देशमा नयाँ मुलुकी ऐन लागु भएसंगै दाङ जिल्लामा १२ दिनको बिचमा ११ जना पुरुषले सम्बन्ध विच्छेदको निम्ति निवेदन दर्ता गराएका छन् ।

यहि भदौ १ गतेबाट देशमा नयाँ मुलुकी संहिता आएसंगै त्यसले दिएको अधिकार प्रयोग गर्दै उक्त ठाउमा पुरुषहरुले धमाधम अदालतमा आएर सम्बन्ध विच्छेदको लागि निवेदन दर्ता गराउन थालेका हुन् ।

यहि भदौ १ गतेदेखि १२ गतेसम्मको समयमा ११ जना पुरुषले आफ्नो श्रीमतीसँग सम्बन्ध विच्छेद गरी पाउँ भन्दै निबेदन दर्ता गराएका र ४ जना महिलाले आफ्नो श्रीमानसँग सम्बन्ध विच्छेद गरी पाउँ भन्दै निबेदन दर्ता गराएका छन् ।

नयाँ मुलुकी संहिताले पुरुषहरु पनि सम्बन्ध विच्छेदका लागि सिधै अदालत जाने बाटो खोलिदिएको छ ।