१० भदौ २०७५, काठमाडौं
आगामी १४, १५ भदौमा काठमाडौंमा सम्पन्न हुने बिम्सटेक बैठकको समयमा सडकमा गुड्ने सवारी साधनमा महानगरीय ट्राफिक प्रहरी विभागले जोर–विजोर नियम लागु गर्ने भएको छ ।
काठमाडौंको सडकमा ७ लाख दुईपाङ्ग्रे सवारी साधनसहित करिब ११ लाख सवारी साधनहरु गुड्ने गरेको छ । बैठक समयावधिमा जोर–विजोर नियम लागु गरेर सडकको सवारी साधनको चापलाई न्युनीकरण गर्ने विभागले जनाएको छ । जोर–विजोर नियम अन्तर्गत बुधबार र शुक्रबार विजोर नम्बर प्लेटका गाडीहरु अर्थात, प्लेटमा भएको नम्बरको अन्तिम अंक १, ३, ५, ७ र ९ भएको सवारी साधन सडकमा गुड्न पाउने छन् । त्यस्तै बिहिबार जोर नम्बर प्लेटका सवारी साधन अर्थात, नम्बर प्लेटमा भएको नम्बरको अन्तिम अंक ०, २, ४, ६ र ८ भएका सवारी साधनले सडकमा गुड्न पाउने छन् ।
यो नियम निजी तथा सरकारी गाडीहरु सबैमा लाग्ने बताईएको छ । तर एम्बुलेन्स, शवबाहन तथा सुरक्षा निकायका गाडीलाई भने यो नियम नलाग्ने बताईएको छ । पछिल्लो समयमा काठमाडौंको सडकमा सवारी साधनको चाप बढि भएकाले यसको व्यवस्थापनमा चूनौती थँपिदै गएको छ । यस्तो समयमा बिम्सटेकले सो समस्यालाई ध्यानमा राखि ३ दिनको लागि शाहि कालमा प्रयोग गरिएको जोर–विजोर नियम लागु गरिएको हो ।
सुरक्षालाई पनि ध्यानमा राखि सो नियम ल्याईएकोले यसको बेवास्ता गर्ने तथा नमान्नेहरुलाई कडा कारबाही गरिने पनि विभागले जनाएको छ।
