प्रदेशको नाम लिम्बुवान नभए युद्ध हुन्छ : लिङ्देन

०५ भदौ २०७५, इटहरी

संघीय लोकतान्त्रीक राष्ट्रिय मंचका अध्यक्ष कुमार लिङ्देनले प्रदेश नम्वर २ को नामकरण नगरी प्रदेश नम्वर १ को गरिए युद्ध हुने चेतावनी दिएका छन् ।

लिम्वुवान मार्चपासका क्रममा सुनसरीको इटहरीमा आयोजित कोणसभालाई सम्वोधन गर्दै लिङदेनले प्रदेश नम्वर २ को नामाकरण नगरी प्रदेश नम्वर १ को गरे युद्ध हुने चेतावनी दिएका हुन । उनले लिम्वुवान किराँत र खुम्वान हँुदैन भने जवरजस्ती प्रदेश नम्वर १ को नामाकरण कोशी र सगरमाथा पनि हुदैन । जबरजस्ती नियम लगाए युद्ध हुने उनको भनाई रहेको छ ।

लामो समयदेखि लिम्वुवान, किराँत खुम्वुवानका पक्षमा वकालत गर्दै आएका लिङदेनले आदिवासी दिवसका अवसरमा प्रदेश नम्वर १ सरकारले दिएको सार्वजनिक विदा नमान्ने १४ वटै जिल्लाका सिडियोहरुलाई कारवाही गर्न प्रदेश सरकारको ध्यानाकर्षण समेत गराए ।  प्रदेश सरकारले दिएको विदा सिडियोले नमान्नु भनेको संघीयताको इतिहासमा कालो दिन भएको भन्दै अध्यक्ष लिङ्देनले भने ‘कि १४ वटै जिल्लाका सिडियोहरुको खारेजी गर नत्र मुख्य मन्त्री राजिनामा दे ।’