प्रदिपको रोजको प्रचारप्रसारको लागि विभिन्न ठाउँमा कन्सर्ट गरिदैँ

०४ भदौ २०७५, काठमाडौँ

नायक प्रदिप खड्का स्टारर चलचित्र ‘रोज’ को प्रदर्शन मिति नजिकिदै गर्दा चलचित्र टिमले प्रचार प्रसारको लागि नेपालका केही शहरहरुमा कन्सर्ट गर्ने भएको छ । पोखरा, काठमाडौँ, चितवन, इटहरी, बिर्तामोड, धरान, दमक र बुटवल गरी नेपालका आठ ठूला शहरहरुमा कन्सर्ट गरिने चलचित्र निर्माण टिमले जानकारी दिएको छ ।

विभिन्न स्थानहरुमा गरिने कन्सर्ट मा नायक प्रदिप खड्का, चर्चित गायक प्रताप दास लगायत चलचित्र निर्माण टिम सहभागी हुनेछन् । भदौ १४ देखि पोखराबाट सुरु हुने टुर भदौ १५ मा बुटवल, भदौ १६ चितवन (नारायणगढ), भदौ १७ इटहरी र धरान, भदौ १८ दमक र बिर्तामोड हुदैँ भदौ २० मा काठमाडौँमा आएर समाप्त हुनेछ ।

गोपी कृष्ण मुभिजको ब्यानरमा निर्मित चलचित्र रोजलाई निरक पौडेलले निर्देशन गरेका हुन् । चलचित्रमा प्रदिपका साथमा परमिता राणा र नव नायिका मिरुना मगरको पनि मुख्य भूमिका देख्न सकिन्छ । चलचित्र रोज आउँदो भदौ २२ देखि देशव्यापी रुपमा प्रदर्शनमा आउने भएको छ ।