टमाटर निकासी समस्या हल गर्न सरकारी पहल

२१ साउन २०७५, पाँचथर

पूर्वी नेपालमा उत्पादन हुने टमाटरको निकासीमा भारतले कडाई गरेपछी यतिबेला नेपाली किसान लाखौं लगानी रहेको टमाटर त्यसै फ्याक्न बध्य भई रहेकाछन् । विशेषत पूर्वी नेपालको पाँचथर, तेह्रथुमको आठराई र इलामका टमाटर किसानका लाखौं मुल्य बराबरको टमाटर बारीमै कुहिने अबस्थामा पुगको छ । भारतीय नाकासम्म टमाटर ल्याएर फर्काउनु पर्दा किसान मात्र होईन काकडभिट्टा नाकाका ब्यापारीलाई समेत लाखौंको नोक्सानी भएको छ ।

ब्यापारी र किसान दुबै समस्यामा रहेका समाचार निरन्तर आउन थालेपछि सरकारी टोली प्रभावित क्षेत्रमा पुग्न थालेको छ । पूर्वी नेपालमा देखिएको टमाटर समस्या हल गर्न सरकारी टोली पाँचथर पुगेको छ । कृषकहरुले टमाटर विक्री नभएको भन्दै सडकमा फालेपछि सरकारी टोली मुख्य प्रभाबित क्षेत्र मानिएको पाँथरको हिलिहाङ र याङवरक गाँउपालिकामा पुगेको हो । नेपाल सरकारको व्यापार तथा निकाश प्रवर्धन केन्द्रको उपनिर्देशक सिद्धिचरण दाहाल नेतृत्वको टोली प्रभावित क्षेत्रमै पुगेर बास्तविक समस्या बुझेको हो । प्रभाबित क्षेत्रका किसानले सरकारी टोलीसँग समस्याको समाधान तत्काल गरी आफ्नो लाखौंको आम्दानी जोगाईदिन आग्रह गरेको छन् ।

यस अघि भारत निकासीमा सूचि नभएको भन्दै टमाटर विक्री भएको थिएन । विक्री नभएपछि कृषकले लाखौं मुल्य बराबरको टमाटर बाटामै फालेर विरोध जनाएका थिए ।

टमाटरबाट राम्रो आम्दानी देखेर अन्य खेती गर्नै छाडेका किसानको टमाटरमा भारतले एक्कासी लगाएको प्रतिवन्धले किसान तनाबमा परेका छन् । कृषकका कुरा बुझ्दै टमाटर निकासीमा कुनै पनि समस्या नभएको केन्द्रको उपनिर्देशक दाहालले टमाटर भारत निकासीमा कुनै समस्या नहुने बताएका छन् । दाहालका अनुसार टमाटरको समस्या नेपालमै भएको तर भारतबाट कुनै पनि समस्या नभएको बताएका छन् ।