१५ साउन २०७५, काठमाडौँ
’प्रेमगीत’ सिरिज निर्माण कम्पनी आसुसेन फिल्मसले आफनो चौँथो फिल्म ‘मेरी मामु’ को प्रचारलाई अघि बढाउने क्रममा ‘आफ्नो मामुसँग थाइल्याण्ड टुर जाऔँ’ शिर्षकमा एउटा प्रतियोगिता आयोजना गरेकोे छ ।
‘मेरी मामु’ निर्माण कम्पनीका अनुसार, प्रतियोगीतामा भाग लिनका लागि तोकिएको फरम्याटमा आफ्नो आमाको बारेमा लेख्नुपर्नेछ ।
सन्तोष सेनका अनुसार सो फर्म अनुसार प्रतियोगीहरुले आफ्नो आमाको बारेमा मनछुने कुराहरु लेख्नु पर्नेछ । सहभागीहरुले फर्ममा उल्लेख गरे अनुसार आफ्नो जानकारी सहित २५० शब्दमा नबढाई लेखेर स्कूलमा राखिएको संकलन बक्स अथवा सिधै आसुसेन फिल्मसलाई पठाउनुपर्नेछ ।
प्रतियोगीतामा सहभागी मध्येबाट उत्कृष्ट ५ जनाको नाम फिल्मका मुख्य कलाकार आयुब सेनले ‘मेरी मामु’ र आशुसेन फिल्मसको फेसबुक पेजबाट घोषणा गर्नेछन् । प्रतियोगीतामा कक्षा १ देखि १० कक्षासम्मका विधार्थीहरुले मात्र सहभागी हुन पाउनेछन् ।
यम थापा निर्देशित यो फिल्ममा ६ वर्षे आयुबसँगै कुसुम गुरुङ, शारुक ताम्राकार, अश्लेषा ठकुरी लगायतका कलाकाहरुको अभिनय छ । भाद्र १५ गतेलाई फिल्मकोे प्रदर्शन मिति घोषणा गरिएको छ ।
