११ साउन २०७५, काठमाडौं
सयुक्त राज्य ईमिरेट्स (युएई) का राजदुत साईद हम्दान मोहम्मद अल नाक्बिले नेपालमा हुने सुन तस्करी तथा मानव तस्करी रोेक्न चाहे आफुहरु तयार रहेको बताएका छन् ।
नेपाल र युएई बिच हुने कुनै पनि तस्करी रोक्ने बारे कुनै नीति नियम नहुँदा समस्या देखिएको नाक्बिको भनाई रहेको छ ।
नाक्बिले बिहिबार गृहमन्त्री राम बहादुर थापा बादलसँग गृहमन्त्रालयमा भएको शिष्टाचार भेटमा यस्तो बताएका हुन् ।
नेपालमा सुन तस्करीको गहिरो अनुसन्धानको क्रममा नेपालकै आग्रह अनुरुप युएई मा एक नेपालीलाई पक्राउ गरिएको र उनलाई नेपाल पठाउने प्रक्रिया भईरहेको पनि नाक्बिले जानकारी गराए ।
युएईमा ३३ किलो सुन प्रकरणका प्रतिवादी रमेश उप्रतीलाई त्यहाँ पक्राउ गरिएको थियो ।
