३२ असार २०७५, काठमाडौं
बढ्दो इन्टरनेटको पँहुच तथा सामाजिक संजालको कारणले आजकल मानिसहरुले चाहे राम्रा होस् या नराम्रा हरेक घटनाहरु तत्काल थाहा पाउने गर्दछन् ।
अहिले मानिसहरुमा अनेक प्रकारका सेल्फी लिने, मलामी जाँदा अथवा दुर्घटना भएका घटनालाई लाईभ गरेर सामाजिक संजालमा आउने होड नै चलेकै छ । यस्तै कुराको चर्चा बटुलेर चर्चित हुन खोज्दा धनकुटा जिल्ला अदालतमा दिउँसै रक्सी र मासु सहित डान्स पार्टी चलेको कुरा सामाजिक संजाल मार्फत बाहिर आएको छ ।
बेग आले मगरले आफ्नो फेसबुक मार्फत ‘धनकुटा जिल्ला अदालत न्याय दिने ठाउँ हो कि दारु पानीको पार्टी दिने ठाउँ हो ?’ शिर्षक दिएर एक भिडियो सार्वजनिक गरेका छन् । भिडियो सार्वजनिक भएको छोटो समयमा नै समाजिक संजालहरुमा यसबारे टिकाटिप्पणीहरु सुरु भएको छ ।
भिडियो झट्ट हेर्दा रक्सी पार्टी जस्तो देखिए पनि घटना के हो भन्ने विश्लेषण सम्बन्धित निकायबाट अझैं भएको छैन ।
सार्वजनिक भएको भिडियो :
