दोस्रो गीत रिलिजका लागि आशोकका बुवाआमा काठमाडौं आईपुगे

२९ असार २०७५, काठमाडौं

सानो उमेरमै निकै अदभूत गायन क्षमताका कारण चर्चा कमाउन सफल बाल गायक अशोक दर्जी पछिल्लो समय सामाजिक संजालमा निकै भाइरल बनिरहेका छन् ।

झापा दमकमा जन्मिएका दर्जीको पहिलो गीत ‘मन बिनाको धन ठुलो कि धन बिना को मन’ निकै लोकप्रिय भएको थियो । गीतले चर्चा पाएसँगै छोटो समयमा नै उनले देश तथा विदेशहरुमा निकै स्टेज शोहरु गरिरहेका छन् ।

गायक दर्जीको पारिवारीक अवस्था कमजोर भएकै कारण उर्लाबारीमा रहेका बेथेल एजुकेशन एकेडेमीले १० कक्षासम्म निःशुल्क पढ्ने र बस्ने व्यवस्था मिलाई दिएका छन् । देशविदेशमा रहेर नेपाली संगीतलाई माया गर्नुहुने सहयोगी मन तथा गायक/संगीतकार टंक बुढाथोकीको विशेष सहयोगमा अशोक दर्जीको नयाँ घर समेत बन्दै गरेको छ ।

पहिलो गीतको सफलतासँगै गायक अशोक दर्जी दोस्रो गीतको लागि परिवार सहित काठमाडौं आएका छन् । उनको दोस्रो गीत ‘चौरीका चाम्रो छुर्पी’ चाँडै नै रिलिज हुने तयारीमा रहेको छ ।